No replies to this topic

[Shivani]

Sapnon ka meena bazar...

Hamne ek lagaya tha
Sapnon ka meena bazar,
Aur usmain sajaya tha
Khushiyon ka sajo saman.

Ek taraf tha gham ka baksa
Ek taraf khushiyon ki peti
Gham lao bakse main rakh do
Peti khol ke khushiyan le lo
Bant paun main khushiya sabko
Aisa tha mera andaz.

Hamne ek lagaya tha
Sapnon ka meena bazar.

Aansu lekar aaye the sab
Unke badle khushiyan lin
Hamne unke sab gham lekar
Badle main kuch khushiyan di.
Jismain sabko gham ke badale
Milna tha pyara arman.

Hamne ek lagaya tha
Sapnon ka meena bazar.

Par ek din hua kuchh aisa
Wo sab laut ke wapas aaye

Hamse wo kuchh aise bole
Bas khushiyon ke saudagar
Itne se to kam na hoga
Tune toda hai dil sabka
Tu bhi khush rah nahin sakega.

Ham sab itna hi kah paye
Khush rahna kab chahte the ham
Mushayen kab chaha hamne
Tabhi to apni sari khushiyan
De di hamne gham ke badale
Ab to khushiyan bachi kahan hain
Ek laga hai dher ghamon ka.

Sab kuch ganwa diya hai hamne
Jama nahin ye karobar.

Hamne ek lagaya tha
Sapnon ka meena bazar,
Aur usmain sajaya tha
Khushiyon ka sajo saman.